नेपाल एअरलाइन्सको टिकट बिक्री कक्षमा नेपाली मौलिक उत्पादनको पनि बिक्री सुरु

काठमाण्डौ, २२ मंसिर । नेपाल वायु सेवा निगम ९नेपाल एअरलाइन्स० ले आफ्नो टिकट बिक्री कक्षमा नेपाली मौलिक उत्पादनको पनि बिक्री थालेको छ ।

निगमका कार्यकारी अध्यक्ष युवराज अधिकारीले निगमको टिकट बिक्री कक्षमा सोभेनियर सेल्स काउन्टरको उद्घाटन गर्नुभयो । केन्द्रीय कार्यालयको टिकट बिक्री कक्षमा खोलिए जस्तै सोभेनियर सेल्स काउन्टर निगमका अन्य कार्यालयमा पनि क्रमशः खोल्दै जाने लक्ष्य राखिएको छ ।

नेपालको कला, संस्कृतिलाई अन्तर्राष्ट्रिय जगतमा व्यापकता प्रदान गर्दै विपन्न वर्गको सीपलाई प्रोत्साहन गर्ने उद्देश्यले टिकट बिक्री कक्षमा सोभिनियर सेल्स काउन्टरको स्थापना गरिएको निगमले जनाएको छ । ।

नेपाली कच्चा पदार्थ बाँस, अल्लो, घाँस आदिबाट बनेका ढक्की, ब्यालेट, पर्सका साथै कप, टी–म्याट, विमान चढ्दा सजिलोका लागि लगाउने नेक पिलो र विमानका नमुना जस्ता सामान सेल्स काउन्टरमा उपलब्ध हुनेछन् ।