काठमाडौं २५ मंसिर । नेपाली कांग्रेसको संस्थापन पक्ष र नेता कृष्णप्रसाद सिटौला पक्ष मिलेर निर्वाचनमा जाने भएका छन् । शुक्रबार उद्घाटन भएको कांग्रेको १४ औं महाधिवेशनमा सभापति शेरबहादुर देउवा र नेता सिटौला पक्षबीच पदाधिकारीमा भागबण्डा मिलेसँगै नयाँ नेतृत्व चयनका लागि हुने मतदानमा एक हुने भएको हो ।
महाधिवेशनमा संस्थापन पक्षबाट कृष्णप्रसाद सिटौला समूहमा रहेका प्रदीप पौडेललाई महामन्त्रीको उम्मेदवार बनाउने गरी सहमति भएको हो । सिटौला पक्षमा रहेका नेविसंघ महामन्त्री बलदेव तिमिल्सिनाका अनुसार देउवा र सिटौला पक्षबीच यसबारे सहमति भएको हो ।
दुई पक्षबीच पौडेललाई महामन्त्री बनाउने गरी सहमति भएको उहाँ निकट स्रोतको दाबी छ । यसअघि सिटौलाले महाधिवेशनको उद्घाटनमा प्रदीप पौडेलाई भोटसमेत माग्नुभएको थियो । देउवा र सिटौलाबीच भएको सहमतिले गगन थापासहितका नेताहरुलाई झडका लागेको छ ।
प्रतिक्रिया