एमाले लुम्बिनीको अध्यक्षमा कँडेल, उपाध्यक्ष श्रेष्ठ

बुटवल, २६ मंसिर । नेकपा एमालेले लुम्बिनी प्रदेश कमिटीको अध्यक्षमा पाल्पाका राधाकृष्ण कँडेल चयन भएका छन् । यसैगरी उपाध्यक्षमा रुपन्देहीका भोजप्रसाद श्रेष्ठ चयन भएका छन् ।

एमाले केन्द्रीय कमिटी बैठकले यस अघिका प्रदेश सदस्य यथावत् कायम राख्ने गरी प्रदेशको पदाधिकारी चयन गरेको हो । कँडेल पाल्पाका पूर्व जिल्ला अध्यक्ष तथा संविधान सभा सदस्य हुन् । श्रेष्ठ शंकर पोखरेल नेतृत्वको लुम्बिनी प्रदेश सरकारमा स्वास्थ्य तथा जनसंख्या मन्त्री थिए । प्रदेश सांसद उनी एमाले रुपन्देहीको पूर्व अध्यक्ष समेत हुन् ।