श्रीमती हत्या अभियोगमा श्रीमान पक्राउ

स्याङजा,पुस २ । प्रहरीले आफ्नै श्रीमती हत्या गरेको अभियोगमा एक जनालाई पक्राउ गरेको छ । प्रहरीले जिल्लाको भिरकोट नगरपालिका–६ फोक्सिङ बस्ने ५० वर्षीय डबल वहादुर थापालाई श्रीमती कोपिलाको हत्या अभियोगमा पक्राउ गरेको हो । थापाले श्रीमती कोपिलाको बिहीबार साँझ हत्या गरेको प्रहरीले जनाएको छ ।

उनले श्रीमती कोपिलालाई कुटपिट गरी गम्भीर घाइते बनाएका थिए । उपचारको क्रममा कोपिलाको मृत्यु भएको प्रहरीले जनाएको छ ।
घटनाबारे थप अनुसन्धान भइरहेको प्रहरीले बताएको छ ।