रौतहटमा कार दुर्घटना हुदाँ पाँच जनाको मृत्यु

काठमाण्डौं, १३ पुष ।
रौतहटमा कार दुर्घटनामा परी पाँचजनाको मृत्यु भएको छ । चन्द्रनिगाहपुर–गौर सडकखण्ड अन्तर्गत जयनगरमा भारतीय नम्बर प्लेटको कार दुर्घटना हुँदा पाँच जनाको मृत्यु भएको हो ।

रौतहटको गढीमाई नगरपालिका ४ का मुसाफिर अन्सारी र शेख छोटुको घटनास्थलमै मृत्यु भएको हो । अन्य तीनजनाको नाम खुल्न सकेको छैन् । बिआर ०५पिए ६९५३ नम्बरको कार अचानक पोलमा ठोक्किएर सडकबाट तल खसेको थियो ।

दुर्घटनाको बिषयमा अनुसन्धान भइरहेको ईलाका प्रहरी कार्यालय गरुडाका डिएसपी श्रीराम भण्डारीले जानकारी दिए ।

(साभार)