वर्षाका कारण बुटवलको प्रदर्शनी स्थगित

बुटवल १५ पुस – वर्षाका कारण बुटवलमा जारी चौथो राष्ट्रिय औद्योगिक प्रदर्शनी तथा व्यापार मेला स्थगित भएको छ । मंगलबार रातिदेखि परेको वर्षा नरोकिएपछि बुधबार मेला बन्द गरिएको हो ।

उद्योग व्यापार संघ बुटवलको आयोजनामा सञ्चालित मेलामा बुधबार हुने सांस्कृतिकसहित सबै कार्यक्रम स्थगित गरिएको संघका अध्यक्ष एवं मेलाका संयोजक गोविन्दप्रसाद गैरेले जानकारी दिनु भयो ।वर्षाका कारण बुधबारका सबै कार्यक्रम स्थगित भएको छ’, गैरेले भन्नु भयो ‘वर्षा रोकिएपछि बिहीबारदेखि मेला सञ्चालन हुन्छ ।’

स्वाधीन अर्थतन्त्रको लागि राष्ट्रिय औद्योगिकरण तथा व्यापार विविधिकरण नाराका साथ पुस ८ गते सुरु भएको मेलामा ४ सय ७० स्टल रहेका छन् ।वर्षाका कारण स्टलहरुमा धेरै नभएको मेला सचिवालय संयोजक संघका महासचिव पदम जिसीले बताउनु भयो । पुस २० गते चल्ने मेलामा दैनिक करिब ३ करोड रुपैयाँको कारोबार हुने गरेको उहाँले बताउनु भयो ।