दाङ १९ पुस । नेपाल कम्युनिस्ट पार्टी (माओवादी केन्द्र) को केन्द्रीय समितिमा दाङबाट नौ जना सर्वसम्मत निर्वाचित भएका छन् । जसअनुसार कृष्णबहादुर महरा, रेखा शर्मा, जगप्रसाद शर्मा, जीवन गौतम, निर्मल आचार्य , हेमराज शर्मा, इन्द्रजित थारू, दामा शर्मा र नारायणी शर्मा सर्वसम्मत निर्वाचित हुनुभएको छ ।
नौ जना केन्द्रीय सदस्यमध्ये महरा पूर्व सभामुख हुनुहुन्छ भने दाङ क्षेत्र नं २ बाट निर्वाचित सांसद हुनुहुन्छ । त्यस्तै रेखा शर्मा प्रतिनिधि सभाकी समानुपाति सांसद हुनुहुन्छ । जगप्रसाद शर्मा राष्ट्रियसभाका सांसद हुनुहुन्छ ।
त्यस्तै इन्द्रजीत थारु लुम्बिनी प्रदेश सांसद हुनुहुन्छ । उहाँ दाङ क्षेत्र नं २ (क) बाट निर्वाचित हुनुभएको थियो भने दामा शर्मा लुम्बिनी प्रदेशसभाकी समानुपातिक सांसद हुनुहुन्छ ।
यि नौ जना नै पुरानो केन्द्रीय समितिमा हुनुहुन्थ्यो। माओवादीले पदाधिकारी चयन भने भोली गर्ने छ ।
प्रतिक्रिया