पाल्पामा आजपनि सवारी दुर्घटना, ४ घाइते

बुटवल, १९ पुष । पाल्पामा आज पनि सवारी दुर्घटना भएको छ । सोमबार बिहान जिल्लाको पूर्व खोला गाउँपालिका हेक्लाङबाट तानसेनतर्फ आउँदै गरेको लु १ ज २६०७ नम्बरको जीप पूर्वखोला गाउँपालिका –६ लाँकुरी भन्ने स्थानमा दुर्घटना भएको हो ।

जीप सडकबाट १ सय ५० मिटर तल खस्दा जीपमा सवार ४ जना घाइते भएको लुम्बिनी प्रदेश ट्राफिक प्रहरी कार्यालय बुुटवलका प्रवक्ता मोहन बहादुर खाँणले बताए ।

घाइतेहरुलाई उपचारका लागि पाल्पा प्रभासस्थित मेडिकलमा पठाइएको उनले जनाए । पाल्पामै आइतबार गम्भीर दुर्घटना भएको थियो । बस दुर्घटनामा ७ जनाको ज्यान गएको छ ।