दाङ २८ पु्स । बर्दियामा एक लाख बढी नगदसहित १० जना जुवाको खालबाट पक्राउ परेका छन् । मंगलबार आज दिउँसो १ बजे बाँसगढी नगरपालिपका वडा नं. ७ बड्की देउडा स्थित दुलीचन थारुको घरबाट १० जना १ लाख ८२ हजार ४ सय ५० रुपैयाँसहित पक्राउ गरेको हो ।
पक्राउ पर्नेमा बाँसगढी नगरपालिका ७ बस्ने वर्ष ३४ दुलीचन थारु, सोही ठाउँकै वर्ष ३९ का आईतवारी थारु, ९ बस्ने वर्ष ४० का श्याम प्रसाद थारु सोही वडाका वर्ष ३५ का रामकुमार थारु रहेका छन् ।
त्यस्तै बाँसगढी नगरपालिका वडा नं ९ बस्ने वर्ष ५० का भागीराम कुमाल, सोही ठाउँका वर्ष ३५ का सिताराम थारु, वर्ष ४३ का उपेन्द्र खड्का, वडा नं.८ बस्ने वर्ष ४० का मोहम्मद अली, ३ बस्ने वस्ने बर्ष २६ का मनोज कुमार थारु र ५ बस्ने वर्ष ४३ का रबिन्द्र सापकोटा रहेका छन् ।
हारजित हुने गरी जुवा खेलिरहेका छन् भन्ने विषेश सूचनाको आधारमा ईलाका प्रहरी कार्यालय मोतिपुर बर्दियाबाट प्रहरी निरीक्षक बिरेन्द्र सिंह थापाको कमाण्डमा गएको टोलीले उनीहरुलाई पक्राउ गरेको हो ।
पक्राउ परेकामाथि आवश्यक अनुसन्धान भईरहेको जिल्ला प्रहरी कार्यालय बर्दियाले जानकारी दिएको छ ।
प्रतिक्रिया