लुम्विनी प्रदेशका ६० हजारलाई बुस्टर डोज,कुन जिल्लामा कति छन्?

रुपन्देही ४ माघ ।लुम्बिनी प्रदेशको स्वास्थ्य मन्त्रालयले अग्रपङ्तिमा खटिने स्वास्थ्यकर्मी, सुरक्षाकर्मी, पत्रकार लगायतलाई बुस्टर डोज दिन सुरु गरेको छ । प्रदेशका १२ जिल्लामा ६० हजार डोज खोज लगाइदै छ । रुपन्देहीमा सबैभन्दा बढी १६ हजार डोज खोप र रुकुम पूर्वमा अग्रपङ्तिमा रहेर काम गर्ने १५ सय जनालाई खोप लगाउन थालिएको हो । बाँके, कपिलबस्तु र पाल्पा जिल्लामा भने २गते देखि खोप लगाउन सुरु भएको थियो ।३ वाट बर्दिया र दाङमा सुरु भएको छ ।
रुकुम पूर्व बाहेकका अन्य ६ जिल्लामा भोलीबाट बुस्टर डोज लगाउने तयारी छ । प्रदेश स्वास्थ्य आपूर्ति व्यवस्थापन केन्द्र बुटवलमा भण्डारण गरेको खोप लिन रुकुम पूर्वदेखि अहिलेसम्म नआएकाले त्यहाँ केही ढिलाई हुने देखिएको छ ।अग्रपङ्तिमा खटिनेलाई माघ १४ गतेसम्म खोप लगाउने र त्यसपछि ६० वर्षमाथिका दिर्घ रोगीलाई बुस्टर डोज लगाउने तयारी गरेको स्वास्थ्य निर्देशनालयका कोभिड फोकल पर्सन कौशल भण्डारीले बताए । लुम्बिनी प्रदेशमा १९ लाख ४२ हजार पाँच सय ६३ जना अर्थात ५२ प्रतिशत जनसंख्याले दोस्रो डोज खोप लगाएका छन् ।
पहिलो डोजमात्र लगाउने ३१ लाख ५७ हजार दुई सय ९७ जना छन् । प्रदेशका अधिकांश स्थानीय तहमा अहिले छुटेकालाई खोप लगाउने अभियान चलिरहेको छ । अझै यहाँ चार लाख डोज खोप भण्डारणमा छ । तर सिरिन्ज अभाव हुँदा खोप अभियान प्रभावित हुँदै आएको छ ।रुपन्देहीको बेलहिया नाकामा आज बेलुकासम्म भएको परिक्षणमा ६९ जनालाई कोरोना संक्रमण देखिएको छ । भारतबाट स्वदेश फर्किएका तीन सय ४६ जनाको एन्टिजेन परिक्षण गर्दा ६९(उनसततरी) जनामा संक्रमण देखिएको हो ।
संक्रमितहरु होम आइसोलेसन बस्ने सर्तमा निजी सवारी भाडामा लिएर गन्तव्य तर्फ लागेका छन् । पछिल्लो समय भारतमा कोभिड संक्रमित तीब्र रुपमा बढेपछि रोजगारी गुमाएर फर्किने नेपाली बढेका छन् । नेपाल घुम्न आएका भारतीयलाई संक्रमण देखिए नेपाल प्रवेशमा रोक लगाइएको छ ।