साझाले शुरु गरयो ३ करोड लगानीमा हेमोडायलासिस सेवा

बुटवल ४ माघ । मिर्गाैला रोगीहरुका लागि साझा हस्पिटल प्रालि बुटवलले तीन करोड लगानीमा हेमोडायलाइसिस सेवा सञ्चालनमा ल्याएको छ । ओमसाई पाथिभरा हस्पिटल भद्रपुर झापासँगको सहकार्यमा हाल ८ वटा मेशिनबाट हेमोडायलाइसिस शुरु गरिएको हो । सेवाको अस्पतालका अध्यक्ष गोविन्द खनालले सोमबार उद्घाटन गर्नु भएको छ । मिर्गौलाका विरामीहरु दिन प्रतिदिन बढिरहेको सन्दर्भमा विरामीहरुलाई सुलभ उपचार दिने उद्देश्यले भविष्यमा ५० वटा मेसिन पु¥यायने लक्ष्य सहित सेवा शुरु गरिएको अध्यक्ष खनालले बताउनुभयो ।
नियमित डायलासिस गराउनुपर्ने बिरामीहरुले सर्वसुलभ सेवा पाउन नसक्दा बाहिर जानुपर्ने बाध्यता थियो । जसका कारण बिरामीहरुमा उच्च आर्थिक व्ययभार पर्ने भएकाले निःशुल्क सेवा उपलब्ध गराउने उहाको भनाइ छ ।सेवालाई पूर्ण निःशुल्कका लागि प्रदेश सरकारको स्वास्थ्य मन्त्रालय समक्ष प्रक्रिया अगाडि बढाइसकिएको अस्पतालका सञ्चालक डा. विनोद पराजुलीले बताउनुभयो । यस्तै अस्पतालले सोमबारदेखि एनआईसीयू र यूरो सर्जरी सेवा पनि शुरु गरेको छ ।्