बुटवलको पहिरो ब्यवस्थापन गर्न २ करोड ४५ लाख बजेट बिनियोजन

रुपन्देही ११ माघ । बुटवलमा चुरे क्षेत्रबाट खसेको पहिरो व्यवस्थापन गर्न चुरे तिनाउ संरक्षण समितिले क्षेत्रगत बजेट बाँडफाँट गरेको छ । उक्त बजेट ज्योतिनगर, लक्ष्मीनगर र पाखापानीकार लागि क्षेत्रगत रुपमा बाँडफाँट गरिएको हो । ज्योतिनगरका लागि एक करोड २५ लाख, लक्ष्मीनगरको लागि एक करोड पाँच लाख र पाखापानीको लागि १५ लाख रुपैयाँ विनियोजन गरिएको छ ।

यस्तै प्रदेशका मुख्यमन्त्री कुलप्रसाद केसीको अध्यक्षतामा बसेको सरोकारवालाको बैठकले यस वर्ष थप ४ करोड बजेट पठाइदिन आग्रह गरेको छ ।बुटवल उपमहानगरपालिकाले यस वर्ष पहिरो प्रभावित क्षेत्रको माटो सफाइ गर्न र बस्तीभित्रको कलभर्ट निर्माणका लागि ८५ लाख लगानी गरिसकेको छ । हाल १५ लाख रुपैयाँ थप विनियोजन गरी खोल्सी सुधारका लागि काम गरिरहेको छ ।