कपिलवस्तुका प्रजिअ पाण्डे बिपन्नका घरघरमा कम्वल वोकेर पुगे

कपिलवस्तु १२ माघ। लामो सयम देखि जारी शीतलहरले पीडीत बनेका अति बिपन्न परिवारलाई कपिलवस्तुका सिडिओ गाउ गाउमा मै पुगेर कम्मल बाड्नु भएको छ । प्रजिअ चक्रपाण्ी पाण्डेय गाउ गाउ मै पुगेर अति बिपन्न परिवारलाई कम्मल हस्तान्तरण गर्नु भएको हो । जिल्ला बिपद ब्यवस्थापन समितिले गरेको निर्णयका आधारमा जिल्ला सुरक्षा समितिको टोली सहीत उहा बुधवारबाट गाउ गाउ पुग्नु भएको हो ।
बुधवार प्रजिअ पाण्डे सहीतको टोलीले रंगपुर, मयाएदपुर, जहदी, ओदारी पुगेर बिपन्न परिवारलाई कम्मल हस्तान्तरण गरेको थियो । जिल्लामा रहेको २९ वटा प्रहरी युनिट मार्फत अति बिपन्न परिवारको विवरण संकलन गरिएको हो । १ सय ९९ जना अति विपन्न परिवारलाई चार सय कम्मल बाडिने प्रजिअ पाण्डेयले जनाकारी दिनु भयो पालिकाहरुसंग बिपन्न परिवारको सुची माग गर्दा नमावली आउन ढिलाई गरिएकाले प्रहरी युनिटबाट नामावली संकलन गरिएको थियो । गृहमन्त्रालयको योजना अनुसार बिपद ब्यवस्थापन समितमा आएको बजेटबाट सो कम्मल बाडिएको हो ।
टोलीमा प्रजिअ पाण्डे, नेपाल प्रहरीको प्रहरी उपरिक्षक दान बहादुर कार्की, राष्ट्रिय अनुसंधान कपिलवस्तुका प्रमुख योगेन्द्र केसी सशस्त्र प्रहरी नायब उपरिक्षक हरि शर्मा रहनु भएको छ । प्रजिअ पाण्डेयले नामावली आउन अलि ढिलो भएकाले बिपन्न परिवारलाई कम्मल बितरणमा केही ढिलाई भएको बताउनु भयो । जाडोयाममा कम्मपल पाए पछि बिपन्न परिवार हर्षित बनेका छन ।
गत असारमा फुसको घरमा आगलागि भए पछि नोतदारको गोठमा कष्टकर जीवनयापन गर्दै आएकी यशोधरा गाउपालिका– ५ नदवाकी फातमा खातुनले २ वटा क्रम्मल पाउदा आफनो परिवारलाई धेरै राहत मिलेको बताउनु भयो । ‘ ४ जनोका परिवार गोठमा बस्दै आएका छौ, कसैले कहेी सहयोग गरेका छैन ’ उहले भन्नु भयो ‘ यस्तो बेलामा सिडिओ सापको हातबाट कम्मल पाउदा निकै खुशी लागेका छ ।
यशोधरा गाँउपालिका ५ का भोले रैदासले आफु जस्तो गरिब परिवारलाई सिडिओले कम्मल दिएर निकै पुन्यको काम गरेको बताउनु भयो । नेताहरुले भोटकालागि आ– आफनो मान्छेहरुलाई कम्मल बितरण गरिहेको बेला सिडिओले भने वास्तविक बिपन्न परिवारलाई कम्मल दिएको उहाको भनाइछ । २ दिन भित्र सबै विपन्न परिवारलाई कम्मल बितरण गरिने प्रजिअ पाण्डेयले जानकारी दिनु भयो । प्रत्येक परिवारलाई २ थानका दरले कम्मल बाडिएको थियो ।