तुलसीपुर
१२-माघ – तुलसीपुर – ७ श्रीगैंमा रहेको मेरिगोल्ड ईङ्लिस बोर्डिङ स्कुलले “ ईन्टरनेशनल स्कुल अवार्ड २०२१” प्राप्त गर्न सफल भएको छ । दाङका ८ ओटा विद्यालय यसमा सहभागी भएका थिए । शिक्षण सिकाइका आधारमा उत्कृष्ट विद्यालयहरुलाई ब्रिटिस काउन्सिलद्धारा प्रदान गरिने “आइएसए” अवार्ड यो वर्ष दाङमा मेरिगोल्ड ईङ्लिस बोर्डिङ स्कुलले प्राप्त गरेको हो ।
शिक्षा, विज्ञान तथा प्रविधि मन्त्रालयको सहकार्यमा ब्रिटिस काउन्सिलद्धारा प्रदान गरिने “आइएसए” अवार्ड प्राप्त गर्न काउन्सिलको मापदण्ड अनुसार विभिन्न ७ ओटा परियोजनाहरुमा आधारित रहेर विभिन्न शिक्षण क्रियाकलापहरु गर्नुपर्दछ । जसलाई काउन्सिलमा पठाउनुपर्दछ र उत्कृष्ट हुनेलाई अवार्ड प्रदान गरिन्छ । जुन अवार्ड यस बर्ष दाङमा मेरिगोल्ड स्कुलले पाएको विद्यालयका प्रधानाध्यापक बासुदेव रिजालले बताए ।
विद्यालयका सहायक प्रधानाध्यापक तथा “आईएसए” संयोजक सोमराज बस्नेतका अनुसार अवार्ड प्राप्त गर्न विगत एक वर्ष देखि विद्यालमा अध्ययनरत विद्यार्थीहरुलाई विभिन्न क्रियाकलापमा सहभागी बनाईएको थियो । उनले भने – “हाम्रो मेहनत र प्रयास सफल भएको छ, हामी अत्यन्तै खुशी छौँ ।” लामो समय देखी गुणस्तरिय शिक्षा प्रदान गर्दै आईरहेको विद्यालयले अतिरिक्त क्रियाकलापहरुमा पनि विधार्थिहरुलाई सहभागी बनाउँदै आएको छ ।
प्रतिक्रिया