कनौडियाको मुख्यमन्त्री बन्ने सपना अधुरै हुने संकेत,प्रदेशको अलग्गै सहमति छैन : मुख्यमन्त्री केसी

दाङ १५ माघ । लुम्विनी प्रदेशमा सरकार बनेको ८महिना पछि मुख्यमन्त्री पाउने दाउमा रहेका कांग्रेस नेता विरेन्द्र कनौडिया अन्तत्वगोत्वा जिल्लीएका छन् । मुख्यमन्त्री कुल प्रसाद केसीले फागुनमा सत्ता हस्तान्तरण गर्ने भनेर आन्तरीक गृहकार्य अघि बढाएको कांग्रेसले मुख्यमन्त्री केसीको पछिल्लो अभिब्यक्तिवाट आहत महसुुस गरेको छ।मुख्यमन्त्री कुलप्रसाद केसीले केन्द्रको निर्णयअनुसार नै लुम्बिनी प्रदेशको गठबन्धन अगाडि बढ्ने दावि गर्नु भएको छ । सञ्चारकर्मीहरुसँग शुक्रवार कुरा गर्दै मुख्यमन्त्री केसीले प्रदेश सरकारको नेतृत्वबारे केन्द्रबाटै निर्णय हुने स्पष्ट पार्नुभयो । गलतधारविरुद्ध सही धार स्थापनाका लागि वाम लोकतान्त्रिक गठबन्धन बनेको उहाको भनाइ थियो।
नेपालमा गठबन्धन संस्कार निकै चुनौतीपूर्ण रहेको उल्लेख गर्दै उहाले सचेततापूर्वक वर्तमान गठबन्धनलाई बचाउनुपर्नेमा जोड दिनुभयो । प्रदेशका तर्फवाट अलग्गै कुनै सहमति भएको छैन भन्दै सत्तामा आलोपालोको कुरा उठेपनि मूर्त सहमति नभएकाले केन्द्रको जेजस्तो निर्देशन आउछ त्यसलाई मानेर गठबन्धन अघि बढ्न यसमा कोहीपनि अलमलमा पर्नु हुदैन उहाले प्रष्ट पार्नु भएको छ ।राष्ट्रियसभा निर्वाचनका लागि दाङ हुँदै गृहजिल्ला रोल्पा आएका मुख्यमन्त्री केसीले रोल्पा नगरपालिका–७ दारबोटमा निर्मित प्रहरी चौकी भवनको समेत उद्घघाटन गर्नु भएको छ ।