१८ औं स्थापना दिवसमा प्रेस सेन्टर कपिलवस्तुद्धारा दुर्घटनामा घाईते चौधरीलाई सहयोग

कपिलवस्तु, १५ माघ ।
प्रेस सेन्टर नेपालको १८ औं स्थापना दिवसको अवसर पारेर कपिलवस्तु शाखाले सहयोग रकम हस्तान्तरण गरेको छ । मोटर साईकल दुर्घटनामा घाईते भएका शाखाका सदस्य राजेस चौधरीलाई सहयोग गरिएको हो । प्रेस सेन्टर कपिलवस्तु शाखाका सदस्य चौधरी केहि महिना देखि उपचाररत रहेका छन् । प्रेस सेन्टर कपिलवस्तुका कोषाध्यक्ष हरि घिमिरे र सह सचिव रमेश गैरेको उपस्थितीमा चौधरीलाई उनकै निवास तौलिहवा पुगेर सहयोग गरिएको शाखाले जनाएको छ । उपचारमा सहयोग होस भन्ने उदेश्यले चेक प्रदान गरिएको हो । सहयोग गर्न पुगेका पदाधीकारी लगाएत समंग्र जिल्ला शाखालाई घाईते चौधरीले आभार ब्यक्त गरेका छन् ।