पानी परेको बेला छाता ओढेरै न्यायो कपडा सहित कपिलवस्तुका प्रजिअ विपन्न बस्तीमा

कपिलवस्तु २३ माघ ।हिउदे वर्षाले पानी परेको बेला छाता ओढेरै न्यायो कपडा सहित कपिलवस्तुका प्रजिअ चक्रपाणी पाण्डे बुद्ध भूमीके विपन्न बस्तीमा पुग्नु भएको छ ।जिल्ला प्रशासन कार्यालय कपिलवस्तुले बुद्धभुमिका विपन्न समुदायको वस्तिमा पुगेर न्यानो कपडा वितरण गर्न शुरु गरेको हो छ । बुद्धभूमि नगरपालिकाका विभिन्न विपन्न वस्तिमा पुगेर प्रशासनले हिजो न्यानो कपडा वितरण गरेको हो । नगरको वडा नं. ९ मा रहेका वादी समुदायका १५ परिवार, वडा नं. ४ मा रहेका कुमाल समुदायका ३३ परिवारलाई जुत्ता ३ सेट, ज्याकेट, ट्राउजर, महिलाको भित्रि कपडा १ गरि परिवारलाई ९ वटा सामग्रीको सेट बाडिएको प्रमुख जिल्ला अधिकारी चक्र पाणी पाण्डेले जानकारी दिनुभयो ।
उक्त कपडा वितरणमा प्रजिअ पाण्डे , नगर प्रमुख केशव कुमार श्रेष्ठ, सहायक प्रमुख जिल्ला अधिकारी अनिल पौडेल, वडा नं. ९ का वडाध्यक्ष चुरामणी न्यौपाने लगायतको सहभागीता रहेको थियो । तराईमा बढ्दो जाडोका कारण आर्थिक रुपमा विपन्न भएका समुदायलाई ज्यानको सुरक्षा स्वरुप न्यानो कपडा वितरण गरेको प्रमुख जिल्ला अधिकारी पाण्डेले बताउनुभयो । साथै आज जिल्लाको शुद्धोधन र मायादेवी गाउँपालिका ५१ परिवारलाई कपडा वितरणको गरिएको छ ।