आजको मौसम : पहाडी भू-भागमा हल्क वर्षा, गण्डकी र बागमती प्रदेशको मौसम सामान्य बदली

काठमाडौं २४ माघ -मौसम पूर्वानुमान महाशाखाका अनुसार आज प्रदेश १ को पहाडी भू-भागमा हल्का वर्षाको सम्भावना रहेको छ। बागमती र गण्डकी प्रदेशको मौसम सामान्य बदली रहने छ।

देशमा पश्चिमी वायुको सामान्य प्रभावका कारण सोमवार बिहान देशको पहाडी भू-भागमा आंशिकदेखि समान्य बदली रहेको छ। दिउँसो देशभर आंशिकदेखि सामान्य बदली रही प्रदेश १ को पहाडी भू-भागको एक दुई स्थानमा हल्का वर्षाको सम्भावना रहेको मौसम पूर्वानुमान महाशाखाले जनाएको छ।

राति प्रदेश १, बागमती र गण्डकी प्रदेशमा आंशिकदेखि सामान्य बदली रहने बताइएको छ। प्रदेश १ को पहाडी भू-भागको एक दुई स्थानमा भने हल्का वर्षाको सम्भावना छ।