स्रोत नखुलेको १३ लाखबढी रकमसहित एक जना पक्राउ

जनकपुर २७ माघ -धनुषाबाट स्रोत नखुलेको १३ लाखबढी रकमसहित एक जना पक्राउ परेका छन्।सशस्त्र प्रहरीको छोलीले जनकपुर उपमहानगरपालिका-९ का ४२ वर्षीय सरोजकुमार सिंहलाई पक्राउ गरेको हो।

धनुषाको विदेह नगरपालिका-९ बाट उनलाई मंगलबार सशस्त्र प्रहरीले १३ लाख ४० हजार रुपैयाँसहित पक्राउ गरेको हो।सशस्त्र प्रहरीका अनुसार मोटरसाइकलमा सवार उनलाई चेकजाँच गर्दा रकम फेला परेको थियो। रकमको स्रोत देखाउन नसकेपछि सिंहलाई पक्राउ गरिएको प्रहरीले जनाएको छ।सिंहलाई आवश्यक कारबाहीका लागि भन्सार कार्यालय जनकपुर बुझाइएको सशस्त्र प्रहरीले जनाएको छ।