५ थान भरुवा बन्दुकसहित एक जना पक्राउ

कपिलवस्तु, १ फागुन ।कपिलवस्तुको बाणगंगामा पाँच ओटा भरुवा बन्दुक सहित एक जना पक्राउ परेका छन् । बाणगंगा नगरपालिका वडा नं.९ चौवाह निवासी ६० बर्षीय वृद्ध रामसमुज थारु पाँच ओटा भरुवा बन्दुक सहित आईतबार पक्राउ परेका हुन् ।थारुको घरगोठमा लोड गरिएको अवस्थामा बन्दुकहरु लुकाईछिपाई राखिएको भन्ने गोप्य सुचनाका आधारमा ईलाका प्रहरी कार्यालय पिपराबाट खटिएको प्रहरी टोलीले थारुलाई पक्राउ गरेको प्रहरीले जनाएको छ ।थारुलाई नियन्त्रणमा लिई थप अनुसन्धान अघि बढाईएको प्रहरीले प्रेसपाटिलाई जानकारी दिएको छ ।शनिबार मात्र प्रहरीले बाणगंगा नगरपालिका वडा नं.२ कोठीखोला किनारबाट भरुवा बन्दुकसहित दुई जना पक्राउ गरेको थियो ।