एमसीसी विरुद्ध कपिलवस्तुमा समाजवादीको प्रर्दशन

कपिलवस्तु १ फागुन -अमेरिकी मिलेनिअम च्यालेन्ज कर्पोरेशन एमसीसीको विरोधमा कपिलवस्तुमा प्रर्दशन भएको छ । नेकपा एकीकृत समाजवादीले आज (आइतबार) सदरमुकाम तौलिहवामा विरोध प्रर्दशन गरेको हो । पार्टीको केन्द्रीय निणर्य अनुसार आइतबार देशरभर एकसाथ विरोध प्रदर्शन गरिएको नेकपा एकीकृत समाजवादी वाणगंगा नगर अध्यक्ष कमल भट्राइले बताउनुभयो ।आइतबार तौलिहवाको भिक्षुचोकबाट सुरु भएको विरोध र्याली प्रशासन चोकमा पुगेर कोणसभामा परिणत भएको थियो । विरोध प्रर्दशनमा एमसीसी चाइदैन देश बेच्न पाइदै, एमसीसी पक्षधर मुर्दावाद, अमेरिकी सामाज्रवाद मुर्दावाद, राष्ट्रघाती सम्झौता एमसीसी खोरज गर लगाएतका नारासहित प्रर्दशन गरिएको थियो ।

यस्तै नेकपा एकीकृत समाजवादी जिल्ला उपाध्यक्ष गीता अन्जानले अनुदानको नाममा अमेरीकाले दिने सहयोग एमसीसी कुनैपनि हालतमा पास हुन नदिने बताउनुभयो । एमसीसी पास गराउनको लागि उच्चतहका नेता तथा नेतृत्व लागिपरेको भन्दै अनुदानको नाममा राष्ट्रघाती सम्झौता गर्ने नेता तथा नेतृत्वलाई अबको चुनावमा जनताले सहि जवाफ दिने चेतावनी दिनुभयो । राष्ट्र र राष्ट्रियताको सवालमा हरेक जनता एकजुटभएर लाग्नुपर्ने बताउनुभयो । कार्यक्रममा जिल्ला सचिवालय सदस्य फैजल खान, अनेरास्ववियू जिल्ला उपाध्यक्ष सम्झना चौधरी लगाएतले बोल्नुभएको थियो । कार्यक्रमको संचालन युवा संघका जिल्ला सचिव राजु आचार्यले गर्नुभएको थियो ।