दाङमा टिपरको ठक्करबाट एक जनाको घटनास्थलमै मृत्यु

दाङ, ०३ फागुन । दाङको देउखुरीमा टिपरको ठक्करबाट एक महिलाको ज्यान गएको छ । राप्ती गाउँपालिका(१ पाखापानीमा टिपरको ठक्करबाट दूध बेच्न हिँडेकी एक महिलाको ज्यान गएको प्रहरीले जनाएको छ ।

रा १ क १२८६ नम्बरको टिपरले ठक्कर दिँदा राप्ती गाउँपालिका २ कटेशनालाकी ३५ वर्षीया डिला पौडेलको घटनास्थलमै ज्यान गएको इलाका प्रहरी कार्यालय भालुबाङले जनाएको छ ।

साइकलमा दूध बेच्न भालुबाङ हिँडेकी महिलालाई टिपरले ठक्कर दिएको हो । घटनापछि मृतकका आफन्त तथा स्थानीयले राजमार्ग बन्द गरेका छन्।

दोषीलाई कडाभन्दा कडा कारबाहीको माग र क्षतिपूर्तिको माग गर्दै बाटो बन्द गरिएको हो ।