दाङमा सिर्जनात्मक बन्द, सडक सरसफाइ गर्दै पेन्टिङ

दाङ, ०४ फागुन । दाङको घोराहीमा बन्दकर्ताहरूले सडक खाली भएको बेलामा सिर्जनात्मक काम गरेका छन् ।
बन्दका क्रममा घोराहीको तुलसीपर चोकमा बन्दकर्ताहरूले सडक सरसफाइ गर्दै जेब्रा क्रसिङ, ट्राफिक चिह्न, नो एमसीसी लगायतको पेन्टिङ गरेका छन् ।

एमसीसीको विरोधमा आज बुधवार विभिन्न दलका कार्यकर्ताहरूले नेपाल बन्द आह्वान गरेका छन् ।

माओवादी केन्द्र, नेकपा एकीकृत समाजवादी, नेत्रविक्रम चन्द (विप्लव) नेतृत्वको नेकपा, मोहन वैद्य नेतृत्वको नेकपा क्रान्तिकारी माओवादी, राष्ट्रिय प्रजातन्त्र पार्टी राप्रपा लगायत दलका कार्यकर्ताहरूले एमसीसीको विरोध गर्दै प्रदर्शन गरेका हुन् ।