जंगलमा झोलाभित्र भेटियो मानिसको टाउको र खुट्टा

दाङ,५-फागुन/ धरानको एक जंगलमा एउटा जेब्रा झोलाभित्र मानिसको टाउको र खुट्टा फेला परेको छ । प्रदेश नम्बर १ अन्तर्गत धरान-भेडेटार सडक खण्डमा पर्ने आपगाछी क्षेत्रको जंगलमा जेब्रा झोलाभित्र मानिसको टाउको र खुट्टा फेला परेको इलाका प्रहरी कार्यालय धरानले जानकारी दिएको छ ।दाउरा खोज्न गएका स्थानीयले जेब्रा झोलाभित्र टाउको र खुट्टा देखेपछि बुधबार दिउँसो प्रहरीलाई खबर गरेका थिए । पुरुषको जस्तो देखिने टाउकोको पहिचान नखुलेको इलाका प्रहरी कार्यालय धरानले जनाएको छ । घटना बारे थप अनुसन्धान भइरहेको इलाका प्रहरी कार्यालय धरानले जानकारी दिएको छ ।