श्रीमानको हत्या गर्ने श्रीमती र प्रेमी पक्राउ

दाङ,७-फागुन/ दाङ प्रहरीले हत्या आरोपमा दुईजनालाई पक्राउ गरेको छ । पक्राउ पर्नेमा राप्ती गाउँपालिका वडा नं. ३ बसन्तपुरकी ५० वर्षीया उमादेवि चौधरी र गढवा गाउँपालिका वडा नं.३ मसुरियाका ५२ वर्षीय हनुमान चौधरीलाई रहेका छन् । राप्ती गाउँपालिका वडा नं. ३ बसन्तपुरकी उमादेवि चौधरीले आफ्नो श्रीमान ५४ वर्षीय लप्टेन चौधरी गएको फागुन १ गते गोवरडिया जान्छु भनि घरबाट गएको तर घर नआएको र कतै फेला नपरेको भनि श्रीमानको खोजतलासको लागि फागुन ५ गते प्रहरीमा जाहेरी दिएकी थिईन ।जोजतलास गर्ने क्रममा प्रहरीले फागुन ५ गते बेलुका ६ बजे गढवा गाउँपालिका वडा नं. २ कोठरीको राप्ती नदिमा चौधरीको शव फेला पारेको थियो ।

मृतक चौधरीको छिमेकीहरुले घटना शंकास्पद रहेको र मृतक र उनकोे श्रीमतीको लामो समय देखि सम्वन्ध राम्रो नभएको र उमादेविको अर्कै केटासंग अवैध सम्वन्ध रहेको बताएका थिए ।सोही क्रममा प्रहरीले उमादेविलाई सोधपुछ गर्दा मसुरियाका हनुमान चौधरीसंग अबैध प्रेम सम्वन्ध रहेको भनि श्रीमानले बेईजत गरेको र मृतक लप्टेनले आफुलार्ई कुटपिट गरेपछि आफुहरुले मिलेर श्रीमानको हत्या गर्ने योजना बनाएको प्रहरी सामु बताएकी थिईन । योजना अनुसार हनुमानले माघ २९ गते राती लप्टेनको घरमा आएर उनलाई मुड्किले हानेर घाँटी च्यापेर हत्या गरेको मृत शरिर आफुले बोकेर राप्ती नदिमा फालेको बताएको प्रहरीले बताएको छ ।