एमसीसी पास गर्दैनौं, सत्ता छाड्न चाहदैनौ: मेटमणी

काठमाडौं ९ फागुन – नेकपा (एकीकृत समाजवादी) का सांसद मेटमणि चौधरीले यथास्थितिमा अमेरिकी सहायता परियोजना एमसीसी पारित गर्न नसकिने बताउनु भयो । सोमबार रिपोर्टस क्लबमा आयोजित सात्क्षात्कार कार्यक्रममा चौधरीले सरकारबाट पनि नबाहिरिने बताउनु भयो ।‘यही अवस्थामा हामी एमसीसी पास गर्दैनौं,’ चौधरीले भन्नु भयो , ‘हामी सरकारबाट पनि बाहिरिदैनौं । सरकारलाई दिएको समर्थन यथावत रहन्छ, सरकारमै रहन्छौं ।’चौधरीले एमसीसीलाई मतदानमा लैजाँदा कुनै पनि दलले सांसदलाई ह्वीप लगाउन नहुने बताउनु भयो ।‘यस्तो विषयमा सांसदलाई स्वतन्त्र छाडिदिनुपर्छ,’ उहाँको भनाइ छ, ‘दलको ह्वीप लगाउनै पर्छ, मान्नै पर्छ भन्ने कुरा गलत हो । सांसदलाई स्वविवेक प्रयोग गर्न दिनुपर्छ ।’