संशोधनविना एमसीसी पास हुँदैन माओवादी र हामी एउटै अडानमा छौंः झलनाथ खनाल

काठमाडौं, १२ फागुन । नेकपा एकीकृत समाजवादीका नेता तथा पूर्वप्रधानमन्त्री झलनाथ खनालले आफूहरु संशोधन र परिमार्जनविना एमसीसी पारित हुन हुन्न भन्ने पक्षमा स्पष्ट रहेको बताएका छन् ।

उनले नेकपा माओवादी केन्द्र र आफूहरु एउटै अडानमा रहेको पनि बताएका छन् । ‘दुईवटा पार्टी जहिले सुकै एउटै स्ट्याडमा छौं । परिमार्जन विना संशोधनविना यो पास हुँदैन’ उनले भने ।

संसद भवनमा पत्रकारहरुसँग कुरा गर्दै पूर्वप्रधानमन्त्री खनालले एमसीसीबारे निर्णय गर्नुपर्ने अवस्थामा पार्टीले सबै सांसदलाई ह्वीप लगाउने पनि बताए ।