काठमाडौँ, १३ फागुन । प्रधानमन्त्री शेरबहादुर देउवा र नेकपा एकीकृत समाजवादीका अध्यक्ष माधवकुमार नेपालबीच भेटवार्ता भएको छ । आज मध्यान्ह प्रधानमन्त्री देउवालाई भेट्न नेपाल बालुवाटार पुगेका थिए ।
प्रधानमन्त्रीको सचिवालयका अनुसार एमसीसीका कारण सत्ता गठबन्धनमा उत्पन्न मतभेदबारे छलफल भएको छ । उनीबीचको छलफलमा एमसीसी पारित गराउन नयाँ विकल्पको खोजी भएको छ ।
सत्ता गठबन्धन जोगाएर एमसीसी पारित गराउने लाग्नुपर्नेमा देउवा र नेपाल सहमत भएका छन् ।
नेपालसँगको छलफलपछि काँग्रेस सभापति समेत रहेका देउवा पार्टीका शीर्ष नेतासँग आन्तरिक छलफलमा जुटेका छन् ।
उपसभापति पूर्णबहादुर खड्का, महामन्त्री गगन थापा, सञ्चारमन्त्री ज्ञानेन्द्र कार्की लगायतसँग छलफल थालेको बुझिएको छ ।
प्रतिक्रिया