कुर्सी स्वार्थमा नेपालको हित र स्वाभिमान डुबाउने घृणित खेल : रावल

काठमाडौं -नेकपा एमालेका नेता भीम रावलले सत्ता र कुर्सीका लागि एमसीसी पास गर्ने प्रयास भइरहेको बताउनु भएको छ ।सामाजिक सञ्जाल फेसबुकमार्फत् उहाँले एमसीसी पास गर्ने खेल रोक्नका लागि सजग रहनुपर्ने पनि बताउनु भएको छ ।‘सत्ता र कुर्सीको चरम स्वार्थको फोहोरी आहालमा नेपालको स्वाधीनता, हित र स्वाभिमानलाई डुबाउने घृणित खेल देखिँदै छ। यस्तो खेल खेल्नेहरू नेपालको स्वाधीनता र हित विरोधी एमसीसीका प्रावधानप्रति आँखा चिम्लेर सिद्धान्त,नीति र नैतिकताहीन राजनीतिको पासोमा देश फसाउने कुकृत्य गर्दैछन् । सजग रहौं ’ रावलले लेख्नु भएको छ ।