सुपर लिग क्रिकेटमा बुटवल राइनोजको फराकिलो जित

भैरहवा १६ फागुन ।रुपन्देही सुपर लिग क्रिकेट प्रतियोगिता अन्तरगत आजको खेल बुटवल राइनोजले जितेको छ ।भैरहवाको सिद्धार्थ क्रिकेट रंगशालामा जारी प्रतियोगितामा बुटवलले गोलपार्क क्रिकेट क्लबलाई ८७ रनले पराजित गरेको हो । टस जितेर पहिले व्याटिङ गरेको बुटवलले ३९ ओभर चार बलमा सबै विकेट गुमाउँदै एक सय ४२ रन बनायो । पहिलो विकेट नौ रनमा गुमाएको बुटवलले दोस्रो विकेटकालागि ५३ रनको साझेदारी बनेको थियो । ६२ रनमा दोस्रो विकेट गुमाएको बुटवल राइनोजले ९७ रन बनाउँदा छैटौँ विकेट गुमाउन पुग्यो ।
त्यसपछि सुरज सारु र अर्जुन गिरिको जोडिले ४३ रनको साझेदारी गरे । बुटवलका तर्फबाट दिपक डुम्रेले ३०, अर्जुन गिरिले २८, सुरज सारुले १७ तथा अरबिन्द सारुले १५ रन जोडे । गोलपार्क क्रिकेट क्लबका युवराज सुबेदी, हेमन्त ओली र दिवन पुनले समान दुई–दुई विकेट लिए । जवाफी ब्याटिङ गरेको गोलपार्कले १८ ओभरमा सबै विकेट गुमाएर मात्र ५५ रन बनाउन सक्यो । अमन घिमिरेले सर्वाधिक १२ रन बनाउँदा अन्य खेलाडीले दोहोरो अंक पनि जोड्न सकेनन् । सस्टैमा रोक्न बुटवल राइनोजका अमृत थापा र कौशल सिंहले समान तीन–तीन विकेट तथा राहुल यादवले दुई विकेट लिए । म्यान अफ दी म्याच अमृत थापा घोषित भए । भोली स्टार क्रिकेट क्लब र साई ग्लोबल क्रिकेट क्लबबीच प्रतिस्पर्धा हुने छ ।