रुसी सैनिक भन्छन्ः युक्रेनको राजधानी किएभबाट बाहिरिनेलाई अवरोध गरिदैन

फागुन १९, एजेन्सी
रुसी सुरक्षकर्मीले युक्रेनको राजधानी किएभका नागरिकलाई त्यहाँबाट बाहिरिन भनेको छ । किएभबाट बाहिरिनेहरुलाई रुसी सुरक्षाफौजले कुनै अवरोध नगर्ने रुसी रक्षा मन्त्रालयले जनाएको हो ।

मन्त्रालयका प्रवक्ता मेजर जनरल इगोर कोनाशेन्कोभले किएभबाट भासिल्किभ जान चहनेहरुका लागि कुनै अवरोध नगर्ने बताएका बीबीसीले जनाएको छ । रुसले किएभलाई खाली गराउन चाहेको छ। किएभका नागरिकले रुसी सैनिकलाई रोक्ने प्रयास गरिरहेका छन् ।

यसैबीच, युक्रेनको बन्दरगाह नगर खेअरसनलाई नियन्त्रणमा लिइएको छ । रुसी फौजको नियन्त्रणमा गएको युक्रेनको यो महत्त्वपूर्ण सहर हो । त्यहाँ सुस्त गतिमा कार गुडाउन अनुमति दिइएको छ भने दुई जनाभन्दा बढीको समूहमा नहिँड्न भनिएको खबरमा उल्लेख गरिएको छ ।