बुटवल, २५ फागुन । लागुऔषधसहित पाल्पाबाट बुटवल आउने क्रममा २ जना युवा पक्राउ परेका छन् । पक्राउ पर्नेमा बाग्लुङ ताराखोला गाउँपालिका–१ का २१ वर्षीय नितेश घर्ति मगर र बाग्लुङ काठेखोला गाउँपालिका–५ का २० वर्षीय मोहन श्रीस पक्राउ परको जिल्ला प्रहरी कार्यालय पाल्पाले जनाएको छ ।
तानसेन नगरपालिका–७ बाँसटारीमा पाल्पाबाट बुटवल तर्फ आउँदै गरेको ध २ प ३६९४ नम्बरको मोटरसाईकललाई मंगलबार चेकजाँच गर्ने क्रममा उनीहरु लागुऔषधसहित पक्राउ परेका हुन् ।
उनीहरुको साथबाट प्रहरीले नुफ्रिन ३ एम्पुल, डाईजेपाम २ एम्पुल, प्रेथोजिन ३ एम्पुल, प्रयोग गरेको डाईजेपाम १ थान, सिरिन्ज थान २ बरामद गरेको छ । प्रहरीले उनीहरु सवार मोटरसाईकल सहित दुबैजनालाई नियन्त्रणमा लिई अनुसन्धान गरिहेको छ ।
यस्तै मंगलबार नै पाल्पा रीब्दीकोट गाउँपालिका–३ दुग्रीका स्थित हार्थोक सर्देवा कच्ची सडक खण्डमा तानसेनबाट सर्देवा तर्फ जादै गरेको ध १ प १०४९ नम्बरको मोटरसाईकललाई चालकलाई लागुऔधष सहित पक्राउ गरेको छ ।
पक्राउ पर्नेमा बाग्लुङको बाग्लुङ नगरपालिका–३ का २१ वर्षीय सौरव पुन रहेको प्रहरीले जनाएको छ । उनका साथबाट प्रहरीले डाईजेपाम २२, नुफ्रिन २०. प्रेथोजिन २२ गरी ६४ एम्पुल फेला पारी मोटरसाईकल सहित नियन्त्रणमा लिई अनुसन्धान गरेको छ ।
प्रतिक्रिया