नगर विकासको साझेदार समुदायिक वनहरु हुनः प्रमुख प्रशासकिय अधिकृत पन्थी

हरि घिमिरे, २६ फागुन ।

कपिलवस्तुको बाणगंगा नगरपालिकाले नगर भित्रका सामुदायिक बनहरु संग छलफल गरेको छ । बाणगंगा भित्रका सामुदायिक वन तथा धार्मीक वन सहित ३६ वटा सामुदायिक बनहरुका पदाधिकारिहरु संग छलफल गरेको हो । बाणगंगा नगरपालिकाको हलमा सम्पन्न कार्यक्रम परिचय सहित बनका पदाधिकारिहरुले वनमा भएका समस्या कठिनाई र चुनौतिहरु नगरपालिका समक्ष राखेका थिए । सामुदायिक वनहरुका पदाधिकारिहरुले सुनाएका सवालको जवाफमा बाणगंगा नगरपालिकाका प्रमुख प्रशासकिय अधिकृत टेकराज पन्थीले नगर विकासको साझेदार समुदायिक वनहरु भएको बताउनु भयो । उहाँले सामुदायिक वनहरुसंग नगरले यस अघि जे गरेतापनि आगामि दिनमा समन्वयमा कामगर्ने बताउनु भयो । त्यस्तै नगर उपप्रमुख चक्र अर्यालले वन जंगल जोगाउदौ नगरको विकास एंव आर्थिक संवृद्धिको पहरेदार सामुदायिक वन भएको बताउनु भयो । उहाँले नगर विकासको दाईत्व नगरपालिकाको मात्र नभई सबैको रहेको बताउनु भयो । कार्यक्रममा सामुदायिक वनका पदाधिकारिले नगरपालिकाले अहिले सम्म समन्वय नगरेको गुनासो गरेका थिए ।