एकै ठाँउबाट पहिचान सहितको धेरै स्वाद चखाउन आज बाणगंगामा प्रथम सडक खाना महोत्सव

कपिलवस्तु २७ फागुन । प्रथम बाणगंगा सडक खाना महोत्सवको सम्पूर्ण तयारी पुरा गर्ने गरि काम अघि बढेको प्रथम बाणगंगा सडक खाना महोत्सवका संयोजक बुद्ध बहादुर रोका दिनेश क्षेत्रीले बताएका छन् । कोरोना संक्रमणले थलिएको अर्थतन्त्रलाई माथि उठाउन तथा मारमा परेका होटल व्यवसायीलाई केही राहात होस् भन्ने उद्देश्यले सडक खाना महोत्सव गर्न लागिएको उनले बताए ।

बाणगंगा नगरपालिका वडा न। ४ ले एकै ठाँउबाट पहिचान सहितको धेरै स्वाद चखाउन सडक खाना महोत्सव गर्न लागेको हो । आन्तरिक तथा बाह्य पर्यटकलाई आकर्षण गर्न आज हुने महोत्सवमा विभिन्न जातजातिका फरक फरक स्वाद चखाउन सडक खाना महोत्सव गर्न लागिएको र सोही कामको तयारी पुरा भएको संयोजक क्षेत्रीले बताए ।

प्रथम बाणगंगा सडक खाना महोत्सवको ८० प्रतिशत काम सम्पन्न भएको छ । सडक खाना महोत्सवमा स्थानीय स्तरमा रहेका मगर, गुरुङ, थारु, नेवार, पहाडी स्वादिष्ट परिकारहरु रहने आयोजकले जनाएको छ ।