कोकाकोलाबिरुद्ध ७ अर्ब ४३ करोड कर छलीको मुद्धा दायर

काठमाडौं २७ फागुन । बहुराष्ट्रिय उत्पालन कोकाकोलाको उत्पादक बोटलर्स नेपालविरुद्ध सरकारले पूँजीगत लाभ कर छलीको आरोपमा मुद्दा दायर गरेको छ ।

बोटलर्सले अर्ब ४३ करोड ६३ लाख ८२२ रुपैयाँ बराबरको कर छली गरेको भन्दै राजस्व अनुसन्धान विभागले उच्च अदालत पाटनमा मुद्दा दायर गरेको विभागका महानिर्देशक प्रकाश पौडेलले जानकारी दिए । बोटलर्सको स्वामित्व किनबेचमा राजस्व अनुसन्धान विभागले कर छलीमा अनुसन्धान थालेको १४ महिनापछि मुद्दा दायर गरेको हो । बोटलर्स नेपाल बिरुद्ध पूँजीगत लाभकर छलीमा विभागले अनुसन्धान गर्दै आएको थियो । बोटलर्स नेपाल लिमिटेडको आधाभन्दा बढी स्वामित्व एउटा कम्पनीबाट अर्कोमा हस्तान्तरण गर्दा पुँजीगत लाभकर छलेको विभागको आरोप छ । मुद्धामा बोटलर्स नेपालसहित १७ जनालाई प्रतिवादी बनाइएको छ ।

विभागले कोकाकोलाको नेपालका लागि बोटलिङ कम्पनी बोटलर्स नेपाल लिमिटेडमा २०७७ मंसिरमा छापा मारेर महत्वपूर्ण दस्तावेज, कम्प्युटर हार्डडिस्क, ल्यापटप कब्जामा लिएर अनुसन्धान सुरू गरेको थियो ।