तानसेनमा मोटरसाइकल दुर्घटना हुँदा २० वर्षीय युवाको मृत्यु

पाल्पा ३० फागुन ।

पाल्पाको तानसेन नगरपालिका–५, ढुंगाखानीमा सोमबार भएको मोटरसाइकल दुर्घटनामा २० वर्षीय भरत गोदारको मृत्यु भएको छ ।

पाल्पा–गुल्मी सडक अन्तर्गत तानसेनबाट हार्थोक जाँदै गरेका रिब्दीकोट गाउँपालिका–४, भैरवस्थान घर भएका गोदारको उपचारको क्रममा मृत्यु भएको हो ।

प्रहरी निरीक्षक लक्ष्मण पचभैयाका अनुसार दुर्घटनामा घाइते उनलाई उपचारका लागि मिसन अस्पताल लगिएको थियो । दुर्घटनाग्रस्त मोटरसाइकल र चालक सडकबाट १५ मिटर तल खसेका थिए । घटनाको सम्बन्धमा थप अनुसन्धान भइरहेको प्रहरीले जनाएको छ ।