लुम्विनीमा सत्ता गुम्ने खतरा बढेपछि आलोपालोमा पूर्ण विराम

बुटवल १ चैत्त ।लुम्विनी प्रदेशमा सत्ता गुम्ने खतरा बढेपछि आलोपालोमा पूर्ण विराम लागेको छ । लुम्बिनी प्रदेश सरकारको वर्तमान सत्ता पल्टिने भएपछि सत्तागठबन्धन भित्रको ‘आलोपालो सरकारको नेतृत्व’ सम्बन्धी बहस मत्थर बनेको छ। सत्ता नै संकटमा पर्ने देखिएपछि सत्ताको आलोपालो नेतृत्व गर्ने सहमति गरेका कांग्रेस र माओवादी केन्द्र यो सहमति कार्यान्वयनको पाटोबाट पछि हटेका हुन्। तत्कालीन शंकर पोख्रेल नेतृत्वको सरकार ढलेपछि गठबन्धन मार्फत माओवादीका कुलप्रसाद केसी नेतृत्वमा नयाँ सरकार गठन भएको थियो।
यो बेला प्रदेशसभाको बाँकी अवधि मध्य आधा अवधि माओवादीले सरकारको नेतृत्व गर्ने र आधा अवधि कांग्रेसले सरकरको नेतृत्व गर्ने कांग्रेस र माओवादीबीच सहमति भएको थियो। सहमति अनुसार सरकारमा माओवादीको नेतृत्व हुनुपर्ने अवधि यही फागुन सम्म मात्रै हो।तर सरकारको नेतृत्व फेरबदल गर्न खोज्दा सत्तानै संकटमा पर्ने खतरा देखिएपछि आलोपालो सरकार हााक्ने सहमति गरेका यी दुबै दल कांग्रेस र माओवादी मन्त्री फेरबदल गर्ने तर नेतृत्व परिवर्तन नगर्ने सहमति नजिक पुगेको कांग्रेसका एक सांसदले जानकारी दिए।