‘१२ औं कपिलवस्तु महोत्सवको उद्घाटन दिनमा सबैलाई निशुल्क प्रवेश’

कपिलवस्तु उद्योग बाणिज्य संघको आयोजनामा हुन गईरहेको १२औं कपिलवस्तु महोत्सव एवम् कृषि, पर्यटन तथा औधोगिक प्रदर्शनीमा भोलि सबैलाई निशुल्क प्रवेश गराईने भएको छ । ‘सक्षम व्यवसायी समृद्ध राष्ट्र र स्वाधिन अर्थतन्त्र’ भन्ने मुल नाराका साथ महोत्सव आगामी चैत्र ३ गतेदेखि चैत्र १३ गतेसम्म बाणगंगास्थित बुद्ध रंगशालामा सञ्चालन हुन लागेको हो ।

भोलि विहिबार उद्घाटन हुने कार्यक्रम रहेकाले सबैको सहभागिता होस् भनेर निशुल्क प्रवेश दिईने कपिलवस्तु उद्योग बाणिज्य संघका अध्यक्ष डोलकराम घिमिरेल जानकारी दिनुभयो । महोत्सवको करिब ९७ प्रतिशत तयारी पूरा भइसकेको र साँझसम्म सबै तयारी सकिने उहाँले बताउनुभयो ।

महोत्सवको गृहमन्त्री बालकृष्ण खाँणले दिउँसो साढे २ बजे उद्घाटन गर्ने कार्यक्रम तय भएको अध्यक्ष घिमिरेले जानकारी दिनुभएको छ । महोत्सवमा करिब २ लाख बढी दर्शकले अवलोकन गर्ने आयोजकले दाबी गर्दै आएको छ भने ५ करोड बराबरको कारोबार गर्ने लक्ष्य लिएको छ ।