अटो दुर्घटना हुँदा पाँच जना बालबालिका घाईते

सल्यान ।  सल्यानमा अटो दुर्घटना हुँदा पाँच जना बालबालिका घाईते भएका छन् । जिल्लाको बागचौर नगरपालिका वडा नं। २ को राप्ती राजमार्गमा पर्ने खरिबोट देखि बागचौर तर्फ जाँदै गएको अटो बाँधखोला नजिक बिहीबार दुर्घटना हुँदा अटोमा सवार ५ जना बालबालिका घाईते भएका हुन् ।

रा १ ह ५०२२ नं. को अटो घरमा रोकिरहेको अवस्थामा सोही ठाउँका अन्दाजी १८ वर्षीय मदन वलीले कसैलाई पनि नसोधी चलाएरको अवस्थामा बाँधखोला नजिक दुर्घटना हुँदा ५ जना घाईते भएको ईलाका प्रहरी कार्यालय थारमारेले जनाएको छ ।

घाईते हुनेमा खरिबोटकी ७ वर्षीय सुधा भण्डारी, वर्ष १० कि निर्जला विएम, वर्ष १३ की गंगा वली, वर्ष १० कि सुप्रिया परियार र वर्ष १२ ग्रिष्मा विएम रहेका छन । घाईतेहरुलाई थप उपचारको लागि नेपालगन्ज लगिएको प्रहरी जनाएको छ । यस्तै अटो चालक बस्नेत फरार रहेको र अटो प्रहरीको नियन्त्रणमा रहेको छ ।