घट्दै कोरोना प्रभावः ४५ संक्रमित थपिँदा १४७ निको

काठमाडाैं । नेपालमा कोरोना संक्रमण हुने दर भन्दा निको हुने दर  बढेसंगै सक्रिय संक्रमितहरूको संख्यामा निरन्तर कमी देखिएको छ । 

सोमबार  पनि  सयभन्दा बढी संक्रमित निको भएको स्वास्थ्य तथा जनसंख्या मन्त्रालयको तथ्यांक छ । मन्त्रालयका अनुसार पछिल्लो २४ घण्टामा कोरोनाका १४७ संक्रमित कोरोनामुक्त भएका हुन् । योसंगै नेपालमा कोरोनामुक्त हुनेको संख्या ९ लाख ६३ हजार १११ जना पुगेको छ । यो कूल संक्रमणको ९८.५ प्रतिशत हो । पछिल्लो २४ घण्टामा काेरोनाका कारण कसैको पनि मृत्यु  भएकाे छैन । नेपालमा अहिलेसम्म कोरोनाका कारण मृत्यु हुनेको संख्या ११ हजार ९५० पुगेको छ । मन्त्रालयका अनुसार सोमबार  कोरोना भाइरसका थप ४५ नयाँ संक्रमित थपिएका छन् । ४ हजार ७५२ नमूनाको परीक्षण गर्दा पीसीआर विधिबाट ४१ तथा एण्टिजेन विधिबाट ४ जनामा संक्रमण पुष्टि भएको हो ।

नेपालमा हाल सक्रिय संक्रमितको संख्या ३ हजार १३५ रहेकाे छ । संस्थागत आइसोलेशनमा रहेका ५६जनामध्ये २२ जनाको आईसीयू तथा ५ जनाको भेण्टिलेटरको सहायतामा उपचार भैरहेको मन्त्रालयले जनाएको छ ।