काठमाडौं १३ चैत । मैत्रीपूर्ण खेलका लागि थाइल्याण्डमा रहेको नेपाली राष्ट्रिय फुटबल टोली थाइ क्लब चोनबुरी एफसीसँग पनि पराजित भएको छ ।
चोनबुरी स्टेडियममा आइतबार भएको खेलमा नेपाल चोनबुरीसंग घरेलु ३–१ गोल अन्तरले पराजित भएको हो । नेपालका लागि दर्शन गुरुङले एकमात्र गोल फर्काए । नेपालले यस अघि थाइल्याण्डको राष्ट्रिय टोलिसँग पनि नेपाल २–० ले पराजित भएको थियो । एएफसी एसियन कप छनोटको तेस्रो चरणको तयारीका लागि नेपाल मैत्रीपूर्ण खेल्न थाइल्याण्ड गएको हो । एसियन कप छनोटमा नेपाल कुवेत, इन्डोनेसिया र जोर्डनसंगै समूह ’ए’ मा रहेको छ ।
कुवेतमा हुने समूह चरणका खेलमा नेपालले जुन ८ मा जोर्डनसँग,जुन ११ मा कुवेतसंग तथा जुन १४ मा इन्डोनेसियासंग प्रतिस्पर्धा गर्नेछ ।
प्रतिक्रिया