स्थानीयतह निर्वाचनः मतदाता संख्या १ करोड ७७ लाख ३३ हजार ७२३

आगामी वैशाख ३० गते हुने स्थानीयतहको निर्वाचनमा १ करोड ७७ लाख ३३ हजार ७२३ जना मतदाता हुने भएका छन्।

वैशाख ३० को निर्वाचनका लागि आज बसेको आयोगको बैठकले अन्तिम नामावली टुङ्गो लगाएको हो। आयोगका अनुसार ८९ लाख ९२ हजार १० जना पुरुष मतदाता छन् भने महिला मतदाताको संख्या ८७ लाख ४१ हजार ५ सय ३० जना रहेको छ। त्यस्तै अन्यमा १८३ जना मतदाता छन्।

सबैभन्दा बढी मतदाता मोरङमा ७ लाख १५ हजार २ सय २३ जना छन् भने सबैभन्दा कम मनाङमा ६ हजार ४ सय ९६ मतदाता रहेको आयोगले जनाएको छ।