कपिलवस्तु २० चैत -कपिलवस्तु नगरपालिका–११ जहदीबाट करिब ४ ग्राम अवैध लागूऔषध ब्राउन सुगर जस्तो देखिने पदार्थ सहित २ जनालाई प्रहरीले पक्राउ गरेको छ । प्रहर अनुसार पक्राउ पर्नेहरूमा रुपन्देही गैडहवा गाउँपालिका–९ धुसुवा बस्ने २७ वर्षीय लक्ष्मण पन्थी र सोही ठाउँ बस्ने ३५ वर्षीय दुर्गा राना मगर रहेका छन् ।
भे.५ प ५१६० नम्बरको मोटरसाइकललाई अस्थाई प्रहरी पोष्ट जहदीबाट खटिएको प्रहरीले जाँच गर्ने क्रममा मोटरसाइकलमा सवार उनीहरूलाई उक्त पदार्थ सहित फेला पारी पक्राउ गरेको हो ।
फोटो बिवरणः कपिलवस्तुको तौलिहवा स्थित बुद्धपदम उमाबिको खेल मैदानमा म्यादी प्रहरी छनौट गर्नेक्रममा लिखित परिक्षा दिदै उम्मेदवारहरु । शारीरिक परिक्षणमा सफल भएका ४ हजार ८५९ जना लिखित परिक्षामा समाबेश भएको प्रहरी उपरिक्षक दान बहादुर कार्कीले बताए ।
सूरुमा कपिलवस्तुकालागि २ हजार ३८४ जनाको कोटा निर्धारण गरिए पनि पछि कपिलवस्तुको कोटा घटाई १ हजार ९२९ कायम भएको उनले बताए । लिखितमा सफल उम्मेदवारहरुको बैशााख २२ गते मौखिक परिक्षा हुनेछ । सफल भएका उम्मेदवारहरुलाई एक हप्ते तालिम दिई बैशाख अन्तिमबाट परिचालन गरिनेछ ।
प्रतिक्रिया