दाङ २३ चैत – राप्ती राजमार्ग अन्तर्गत दाङ–सल्यान सडक खण्डमा पर्ने कपुरबाेट–चाेरखाेला सडक फेरि बन्द भएको छ । सडक स्तरोन्नतिको काम गर्न आज बुधवारदेखि एक हप्तासम्म दैनिक साढे घण्टा सडक बन्द भएको जिल्ला प्रशासन कार्यालय सल्यानले जनाएको छ ।
प्रमुख जिल्ला अधिकारीको अध्यक्षतामा बसेको सरोकारवालाहरूको बैठकले चैत २३ देखि चैत २९ गतेसम्म दैनिक साढे आठ घण्टा सडक बन्द गर्ने निर्णय गरेको हो । जिल्ला प्रशासन कार्यालयकाे सूचनाअनुसार याे सडक खण्ड दैनिक बिहान ७ देखि ९, ११ देखि दिउँसो ३ र बेलुका साढे ५ देखि राति ८ बजेसम्म बन्द हुनेछ ।
यस अवधिभर दाङ–सल्यान आउजाउ गर्नका लागि पैयाखोरे हुँदै कपुरकोट वैकल्पिक सडक मार्ग प्रयोग गर्न सकिने कार्यालयले जनाएको छ ।
प्रतिक्रिया