कोरोना विरुद्धको पूर्ण खोप सुनिश्चित गर्ने नगरपालिकामा बाणगंगा कपिलवस्तुमै पहिलो

सबै नागरिकहरुको पहुँचमा खोप पुर्‍याउनु पर्ने बताए।

सो अवसरमा स्वास्थ्य कार्यालयका प्रमुख हेमराज पाण्डेयले कोरोना खोप अभियानमा बाणगंगा जिल्ला कै पहिलो पालिका बनेको भन्दै यसलाई कायम राख्न आग्रह गरे। प्रजिअ मिश्राले जिल्ला खोप समन्वय समितिले बाणगंगा नगरपालिकालाई प्रदान गरेको प्रमाण पत्र प्रमुख प्रशासकीय अधिकृत टेकराज पन्थीलाई हस्तान्तरण गरेका थिए। उनले जिल्लामा ९३ प्रतिशत नागरिकमा कोरोनाविद्धको खोपको पहुँच पुगेको बताए।

अहिले सम्म ५ लाख २२ हजारले कोरोनाको खोप लगाएको उनले बताए। सो अवसरमा कोरोना खोप अभियानमा लागेका १ सय १२ महिला स्वास्थ्यकर्मी, ९८ जना स्वास्थ्यकर्मी, कर्मचारी, बिभिन्न संघ संस्था, मिडिया हाउस गरी २ सय ९७ जनालाई प्रशंसा पत्र र गम्छा ओढाई सम्मानित गरिएको थियो। सो अवसरमा प्रमुख प्रशासकीय अधिकृत टेकराज पन्थीले सबैको अथक प्रयासले अभियान सफल भएको बताए। उनले बाणगंगालाई नमुना नगरपालिका बनाउन सबैको साथ आवश्यक रहेको बताए।

बाणगंगा नगरपालिकाका प्रमुख प्रशासकीय अधिकृत टेकराज पन्थीको अध्यक्षतामा भएको कार्यक्रममा पत्रकार महासंघ कपिलवस्तुका अध्यक्ष किरणमान बज्राचार्य, महिला स्वास्थ्य स्वयंसेविका सन्जालको अध्यक्ष कमला चुदाली लगायतले शुभकामना मन्तब्य दिएका थिए।