रुपन्देही ।
६ दिनअघि आफन्त भेट्न गएका बुटवलका एक दम्पती बुटवल उपमहानगरपालिका वडा नं. ७ शिव नगर सामुदायिक वनको जंगलमा मृत अवस्थामा भेटिएका छन् ।
इलाका प्रहरी कार्यालय बुटवलका प्रमुख प्रहरी नायब उपरीक्षक ठगबहाुर केसीले बुटवल उपमहानगरपालिका वडा नं ११ बस्ने ६० वर्षीय काजीमान श्रेष्ठ र उनकी श्रीमती ५५ वर्षीया कमला श्रेष्ठको शव भेटिएको बताए ।
गत वैशाख ६ गते आफन्त भेट्न भन्दै घरबाट हिँडेका उनीहरू घर नफर्किएपछि खोजी गर्दै जाँदा आइतबार मृत अवस्थामा फेला परेको प्रहरीले जनाएको छ ।
दम्पतीका छोराहरू वैदेशिक रोजगारीमा रहेको र उनीहरू घरमा छोरी तथा बुहारीसँग बस्दै आएको प्रहरीले जनाएको छ । प्रहरीले घटनाबारे थप अनुसन्धान सुरु गरेको जनाएको छ ।
प्रतिक्रिया