नौं महिने कम्युनिष्ट सरकारका प्रथम प्रधानमन्त्री अधिकारी प्रति श्रद्धाञ्जली

कपिलवस्तु वैशाख १३
नेकपा (एमाले)कपिलवस्तुले आदर्श, नेपाली कम्युनिष्ट आन्दोलनका धरोहर कम्युनिष्ट सरकारका प्रथम सफल प्रधान्मन्त्री स्व. मनमोहन अधिकारीको २३ औं स्मृति दिवसको अवसरमा प्रेस विज्ञप्ती मार्फत भावपूर्ण श्रद्धाञ्जली ब्यक्त गरेको छ । नेकपा (एमाले) कपिलवस्तुका जिल्ला अध्यक्ष डम्मर शर्माद्धारा जारी विज्ञप्तीमा दक्षिण एशियाकै प्रथम निर्वाचित २०५१ सालको ९ महिने कम्युनिष्ट सरकारका प्रथम लोकप्रिय प्रधानमन्त्री मनमोहन अधिकारीले राण शासन र भष्ट्रचार विरुद्धको अभियानमा खेलेको नेतृत्वदायी भुमिका प्रति नेपाली जनताले सधै सम्मान गर्ने उल्लेख गरिएको छ । जारी विज्ञप्तीमा सरल, सादकी जीवन यापनका धनी अधिकारीको नेतृत्वको नौं महिने २०५१ सालको सरकार आफ्नो गाउँ आफै बनाउँ, वृद्धहरुका लागि वृद्ध भक्ता जस्ता कार्यक्रमको सान्र्दभिकता आज पनि उत्तिकै सान्र्दभिक रहेकोे चर्चा गरिएको छ । दूरदर्शी सोच र नेपालको विकास गर्ने तिव्र चाहना राख्नुहुने स्व. अधिकारी आजपनि नेपाली जनताको मन मष्तिक्मा रहेको भनिएको छ । विज्ञप्तीमा नेकपा (एमाले)का संस्थापक अध्यक्ष अधिकारी प्रति सच्चा श्रद्धासुमन ब्यक्त गर्दै उहाँले देखाएका जनमुखी सपनाहरु पुरा गर्ने कार्यमा सिंगो पार्टी दृढपूर्वक अघि बढने विज्ञप्तीमा उल्लेख गरिएको नेकपा एमाले जिल्ला प्रचार विभागले जनाएको छ । विस. १९७७ साल जेष्ठ २८ गते काठमाण्डौको लाजिङ्गपाटमा जन्मनु भएका अधिकारीको ७८ वर्षको उमेरमा २६ अप्रिल १९९९ मा काठमाण्डौंमा निधन भएको थियो ।