रङ्गमती बनिन् यो चुनावमा पहिलो निर्विरोध महिला वडाध्यक्ष

हुम्ला १८ बैशाख । हुम्लाको खर्पुनाथ गाउँपालिका(४ मा वडा अध्यक्षकी उम्मेदवार रंगमति शाही निर्विरोध निर्वाचित भएकी छिन् । उनी जिल्लाबाटै पहिलो महिला वडाअध्यक्षमा निर्वाचित भएकी हुन् ।अध्यक्षमा शाहीसहित तीन जनाले उम्मेदवारी दर्ता गराएको खार्पुनाथ गाउँपालिका निर्वाचन अधिकृत कमलकुमार आचार्यले जानकारी दिए । उनका अनुसार दुुई जनाले शनिबार मनोनयन फिर्ता लिएपछि शाही निर्विरोध निर्वाचित भएकी हुन् ।

निर्वाचन कार्यतालिका अनुसार सबै पक्रिया पूरा भएपछि आज ९शनिबार० शाहीलाई निर्विरोध वडाअध्यक्ष घोषणा गरिएको हो । शाही नेपाली कांग्रेसबाट उम्मेदवार बनेकी थिइन् । खार्पुनाथ गाउँपालिका(४ को वडा अध्यक्ष पदका लागि नेकपा माओवादी केन्द्रकी हदेली जेठारा र नेकपा एमालेबाट कमल रावतले उम्मेदवारी दिएका थिए । माओवादीले आफ्नो तर्फबाट परेको उम्मेदवारी फिर्ता लिन जिल्लाबाट लिखित निर्देशन दिएको थियो भने एमालेका उम्मेदवारले आफै फिर्ता लिएका थिए ।