लौरो चिन्ह खोसिएकोमा ‘अटेरी’ गनेशको आपत्ति : ‘दलगत षड्यन्त्र भयो’

पोखरा महानगरपालिकाबाट मेयरको लागि स्वतन्त्र उम्मेदवार उठेका गनेश पौडेललाई दिइएको चुनाव चिन्ह लौरो खोसिएको छ । आजै बिहान निर्वाचन कार्यालयले प्रदान गरेको चुनाव चिन्ह खोसिएपछि निर्वाचन अधिकृतको कार्यालय पुग्नुभएका गनेशले दलगत षड्यन्त्रका कारण आफ्नो चुनाव चिन्ह खोसिएको बताउनुभएको छ ।

स्वतन्त्र उम्मेदवारी दिनुभएका गनेशले आफूले चुनाव चिन्ह देशैभरि एकरुपता हुने हिसाबले लिएको तर त्यो एकरुपतालाई खण्डित गर्ने काम निर्वाचन अधिकृतको कार्यलयले गरेको भन्दै विरोध जनाउनुभएको छ । अटेरी अभियान चलाइरहेका पाैडेलले आफ्नो फेसबुक अकाउन्ट मार्फत लाइभ गर्दै राजनीतिले निर्वाचन आयोगलाई पनि प्रभावित पारेको बताउनुभयो ।