घरकाे जग हाल्दै गर्दा आएकाे पहिराेले २ बालककाे ज्यान गयाे

जुम्ला – जुम्लामा घरको जग हाल्दै गर्दा आएको सुक्खा पहिरोले दुई जना बालकको ज्यान गएको छ ।

तिला गाउँपालिका २ का रणबहादुर बोहराको घरको जग हाल्दै गर्दा पहिरो खस्दा खेलिरहेका दुई बालकको ज्यान गएको जिल्ला प्रहरी कार्यालय जुम्लाले जनाएको छ । ज्यान गुमाउनेमा रणबहादुर बोहराका तीन वर्षीय छोरा शिशिर र बोहराका छिमेकीका छोरा हिमिश रावत रहेका छन् ।

यस्तै पहिराे खस्दा नजिकै काम गरिरहनुभएकी रणबहादुर बोहोराकी पत्नि लक्ष्मी घाइते हुनुभएको छ । उहाँकाे नजिकैकाे अस्पतालमा उपचार भइरहेकाे प्रहरीले जनाएको छ ।